నన్నే ముంచే నీ ప్రేమలో... Nanne Munche Nee Premalo....

'నన్ను ప్రేమించవూ' అని నిన్ను బతిమాలుకోవాలనుంది
నువ్వొప్పుకోనంటే బతుకే దండగని
నీ కాళ్ళు పట్టుకోవాలనుంది
'నీ ఖర్మ, ఏడువ్' అనైనా సరే
నువ్వనే దాకా విసిగించాలనుంది
ఇలా ప్రేమని అడుక్కోవటం నా
ఈగోకి కంపరంగానే ఉంది
నువ్వు తలపుకు రాగానే
ఈగోలన్నీ తోక ముడుస్తున్నాయి
నిన్ను తలచుకోని క్షణముందా అసలు!
నువ్వు నా దరికి రాగానే
ఇష్టాలన్నీ  మారిపోతున్నాయి
నువ్వున్నది నాలోనే కదా మరి!!
మిన్నూ మన్నూ ఏకం చేసైనా
నిన్ను చేరాలనుంది
ఇదే చివరాఖరు
ఇంక ప్రేమించనెవ్వరినీ
సరే అంటే నువ్వూ నాతో
ససేమిరా అంటే నేనే నాతో
ఒంటరినై సాగమంటావో...
జంటై సాగుదామంటావో...
నీ వలపుల తలపులతో
పులకింతల కలవరింతలలో
కలవరపడుతూ నేనేం
రాసానో తెలీకనే రాసానిది
తప్పుల్ని మన్నించి నిన్నే
తలపోసే మది గొడు ఆలకిస్తావు కదూ....

అది చాలు Adhi Chaalu

నీవొక సౌందర్య సంద్రం
నన్నో నీటి బొట్టుగా ఉండనీ చాలు
నీ కరకు చూపుల సెగలోన నను
చలి కాచుకోనీ చాలు
నీ చిరునవ్వుల వెన్నెలలో
నిదురించనీ చాలు
క్షణమైనా సరే, నీ సాన్నిధ్యంలో
ఉండనీ చాలు
నీవు నా సొంతం కాదని తెలుసు
నీకు నేను ముఖ్యం కాదని తెలుసు
అయినా
నీ మదిగదిలో ఏదో ఒక మూల
                                                                                                        నాకింత చోటివ్వు చాలు
                                                                                                        ఈ జన్మకది చాలు