koodali

Sunday 15 February 2015

టెంపర్ అసలైన రివ్యూ TEMPER Original Review

అప్పుడెప్పుడో జూ.ఎన్ టి ఆర్ ని 'ఆంధ్రావాలా'గా చూపించి అభిమానులని నిరాశపరిచిన పూరి ఈసారి 'టెంపర్'ఫుల్ గా చూపించే ప్రయత్నం చేసారు. జూ.ఎన్ టి ఆర్ పై ఈ సినిమా ప్రభావం పదేళ్ళ పాటు ఉంటుందని ఆడియో వేడుకలో చెప్పి చిత్రంపై అంచనాలు పెంచిన పూరి ఆ అంచనాలని నిలబెట్టారా? లేదా? ఓ సారి చూద్దాం....

కథ: ఎలాంటి దయా దాక్షిణ్యాలు లేని పోలిస్ అధికారి దయా (జూ ఎన్ టి ఆర్ ). అతను వైజాగ్ లో పెద్ద రౌడీ అయిన వాల్తేరు వాసు (ప్రకాష్ రాజ్) చేసే అక్రమాలకి అండగా ఉంటాడు. అతనంటే ప్రజల్లో కానీ, డిపార్ట్ మెంట్ లో కానీ ఎవరికీ గౌరవం ఉండదు. ఒక సందర్భం లో ఒక అమ్మాయి అత్యాచారం, హత్య కేసులో ఇన్వాల్వ్ అవుతాడు. అది చేసింది వాసు నలుగురు తమ్ముళ్ళే అని నిరూపించే సిడి దయాకి దొరుకుతుంది. ఆ సిడిలో దయా తమ్ముళ్ళు ఆ అమ్మాయిపై చేసిన హింసాకాండను చూసి దయా వాల్లకి ఎలాగైనా శిక్ష పడేలా చేయాలనుకుంటాడు. అతని ప్రయత్నం ఫలించిందా? లేదా? అన్నది మిగతా కథ.

విశ్లేషణ:  దయాగా  జూ ఎన్ టి ఆర్ అభినయం, శారీరక భాష కొత్తగా ఉంది. కానీ, అదంతా బిజినెస్ మ్యాన్ లో మహేష్ బాబుని తలపించేలా ఉండటం విచిత్రం. తరువాత చెప్పుకోవాల్సిన పాత్ర పోసాని కృష్ణ మురళిది.  పక్కనే ఉంటూ అతన్ని మార్చాలని ప్రయత్నించే ఎస్ ఐ పాత్రలో  పోసాని ఆకట్టుకుంటారు. కాజల్ జంతు ప్రేమికురాలు. తను వాటి గురించి మాట్లాడుతుంటే ఎన్.టి.ఆర్ తన కోరిక గురించి ద్వందార్థంలో మాట్లాడటం చాలా చండాలంగా ఉంది. హీరోయిన్ ని కేవలం తన అవసరానికి వాడి వదిలేయానుకున్న హీరో ఆమె  కోసం హఠాత్తుగా మారిపోయినట్లు చూపిస్తారు. దానికి కారణాలేం కనిపించవు. దాని వల్ల లవ్ ట్రాక్ అంతగా ఆకట్టుకోదు. మిగత ఎవరి పాత్రలకీ అంత స్కోప్ లేదు.ఇంటర్వెల్ బాంగ్ పవర్ ఫుల్ గా ఉంది. సెకండ్ హాఫ్ అంతా యాక్షన్ పాకేజ్ ఉంటుందని ఊహిస్తాం. కాని అదంతా ఉత్తదే అని మొదలైన 2 నిమిషాల్లోనే తేలిపోతుంది. ఇకపోతే ఎన్ టి ఆర్ మారిపోయే సన్నివేశం, కోర్టు సన్నివేశం ఆకట్టుకుంటాయి. జూ ఎన్ టి ఆర్ మారినప్పటి నుండి  చిత్రం ఆసక్తికరం గా సాగుతుంది.

మైనస్ పాయింట్స్ :
ఈ సినిమా కి మైనస్ పాయంట్స్ లో ముందుగా చెప్పుకోవాల్సింది ఫస్ట్ హాఫ్. కథనం చాలా నెమ్మదిగా సాగడం వల్ల అంతగా ఆసక్తి కలగదు. ఎంటర్ టైన్ మెంట్ కి చాలా అవకాశం ఉన్నా కానీ దాన్ని సరిగా వినియోగించుకోలేదు. దాని వల్ల  ఫస్ట్ హాఫ్ లో ఇంకాస్త ఎంటర్ టైన్ మెంట్ ఉంటే బాగుండేది. పైగా  కథలో కొత్తదనం లేదు. ఇలాంటి కాన్సెప్ట్ లు ఇది వరకే చాలా వచ్చాయి. మొన్నీ మధ్యే వచ్చిన పటాస్ కూడా దాదాపు ఇలాంటిదే. ఐనా ఎంటర్ టైన్ మెంట్ వల్ల ఆకట్టుకోగలిగింది.

సాంకేతిక విభాగం :

అనూప్ రూబెన్స్ అందించిన పాటలు ఓకే అనిపించుకున్నాయి. 'దేవుడా' పాట మాస్ ని ఆకట్టుకుంటుంది.  సినిమా మొత్తాన్ని ఒక స్టైలిష్ యాక్షన్ పెయింటింగ్ లా చూపించిన క్రెడిట్ మాత్రం సినిమాటోగ్రాఫర్ శ్యామ్ కె నాయుడుకి దక్కుతుంది. మిగతా విభాగాలన్నీ ఓకే.

No comments:

Post a Comment